काठमाडौं, । फागुन १४ गतेका लागि निर्धारित् स्वतन्त्र विद्यार्थी युनियन निर्वाचन नहुने पक्का–पक्की भएको छ ।

निर्वाचनका लागि त्रिभुवन विश्वविद्यालयको तयारी, परीक्षा तालिका र ठूला विद्यार्थी संगठनहरुबीच सहमति नजुटेकाले निर्वाचन असम्भव देखिएको हो ।त्रिभुवन विश्वविद्यालयले बारम्बार स्वतन्त्र विद्यार्थी युनियनको निर्वाचनको मिति तय गर्ने र अन्त्यमा विभिन्न कारण देखाउँदै सार्ने गरिएको यो पहिलोपटक होइन ।

विगतको रोग यसपटकको घोषित स्ववियु निर्वाचनमा पनि देखिएको छ । एक वर्षपहिले नै हुनुपर्ने निर्वाचन फागुन १४ गतेका लागि तय गरिएको थियो ।

तर, त्रिभुवन विश्वविद्यालय घोषित निर्वाचन गर्न नसकिने निष्कर्षमा पुगेको छ । निर्वाचन तालिकासमेत सार्वजनिक नगरिएबाट निर्वाचन तोकिएको मितिमा नहुने निश्चित भएको छ ।