काठमाडौं । सरकारले खाना पकाउने एल पी ग्यास मौज्दात नराख्न सर्वसाधारणलाई अपील गरेको छ । आज उद्योग वाणिज्य तथा आपुर्ती मन्त्रालयकी सहायक प्रवक्ता उपसचिव उर्मिला केसीले निकालेको विज्ञप्तिमा मन्त्रालयले हाल बजारमा खाना पकाउने एलपी ग्यासको खपत नियमितभन्दा बढी भइरहेकाले मौज्दात नराख्न सर्वसाधारणलाई आह्वान गरेको हो ।

बजारको बढ्दो माग व्यवस्थापन गर्न कै लागि नेपाल आयल निगमले यस महिनाबाट नियमित खपत बाहेक थप ११ हजार मेक्ट्रिक टन ग्यास आयात प्रक्रिया अघि बढाएको पनि मन्त्रालयले जनाएको छ । दैनिक उपभोग्य वस्तुको अभाव हुन नदिन र मूल्यवृद्धि नियन्त्रण गर्न अनुगमन प्रभावकारी बनाइएकाले विगतमा झै नियमित तरिकाले मात्र वस्तुहरु उपभोग गर्न मन्त्रालयले अपिल गरेको छ ।