काठमाडौं । कोरोना भाइरस संक्रमण भएको आशंकामा दुईजनालाई महाकाली अञ्चल अस्पतालमा भर्ना गरिएको छ । भारतबाट गड्डाचौकी नाका भएर स्वदेश फर्किने क्रममा स्वास्थ्यजाँचका उनीहरुलाई ज्वरो आएको पाइएपछि महाकाली अञ्चल अस्पताल लगिएको हो ।

दुवै जना पुरुष रहेको र उनीहरुको तापक्रम सयभन्दा माथी रहेकाले अस्पताल पठाइएको जिल्ला प्रहरी कार्यालय कञ्चनपुरका एसपी मुकुन्द मरासीनीले जानकारी दिए ।

पछिल्लो समय ज्वरो देखिएपछि कोरोनाको आशंकामा स्वास्थ्य जाँच गरिँदै आएको छ । अहिलेसम्म नेपालमा कोरानाको संक्रमण देखिएको छैन ।