नेपालगञ्ज । भारतका विभिन्न स्थानबाट आएर दशजगामा राखिएका करिब २ सय जनाको र्‍यापिड टेष्ट गर्दा नेगेटिभ देखिएको छ ।

बाँकेको जमुनाहास्थित दशगजा क्षेत्रमा बनाइएको क्वारेन्टाइनमा राखिएका एक सय ८१ जनाको आरडीटी टेष्ट गर्दा रिपोर्ट नेगेटिभ आएको हो ।  क्वारेन्टाइनमा राखिएको १६ औं दिन आज उनीहरुको आरडीटी जाँच गरिएको थियो ।

नेपालगञ्ज उपमहानगरपालिकाका स्वास्थ्य शाखाका प्रमुख रामबहादुर चन्दका अनुसार क्वारेन्टाइनमा रहेका सबैजनाको रिपोर्ट नेगेटिभ आएको हो । रिपोर्ट नेगेटिभ आएसँगै उनीहरुलाई घर पठाउने तयारी थालिएको छ ।

त्यहाँ २६ जिल्लाका मानिसहरु रहेको र उनीहरुलाई पत्रसहित सम्बन्धित जिल्ला पुठाइने बाँकेका प्रमुख जिल्ला अधिकारी कुमारबहादुर खड्काले बताए । दशगजामा करिब ५० वटा टेन्ट बनाएर उनीहरुलाई त्यहाँ राखिएको थियो ।