चितवन । प्रतिबन्धित नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका नेता अनिल शर्मा (विरही) अस्पतालबाटै पक्राउ परेका छन् ।

चितवन घर भएका नेता शर्मा भर्‍याङबाट लडेपछि परिवारका सदस्यहरुले पुरानो मेडिकल कलेज पुर्‍याएका थिए । उनी अस्पतालमा पुगेको सूचना पाएपछि प्रहरीले नियन्त्रणमा लिएको हो ।

उनलाई चितवनबाट पक्राउ गरिएको गृह स्रोतले जानकारी दिएको छ । उनी नेकपाका प्रकाशन विभाग प्रमुख समेत हुन् । उनी पछिल्लो समय सत्तारुढ दल नेकपाका नेताहरुसँग अनौपचारिक रुपमा वार्तामा सक्रिय रहेका नेता पनि हुन् ।