काठमाडौं। कर्णालीमा बुधबार थप  १८ जनामा कोरोना भाइरसको संक्रमण देखिएको कर्णाली प्रदेश सामाजिक विकास मन्त्रालयअन्तर्गतको स्वास्थ्य सेवा महाशाखाका प्रमुख लक्ष्मीनारायण तिवारीले जानकारी दिए ।

प्रदेश अस्पताल सुर्खेत पशुपन्छी रोग अन्वेषणको प्रयोगशालामा चारजना र कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा १४ गरी १८ जनामा संक्रमण देखिएको हो ।

हालसम्म यस प्रदेशमा कोरोना भाइरस संक्रमितको संख्या एक हजार १०४ पुगेको  छ ।