नेपाल तरुणदलका अध्यक्ष जीतजंग बस्नेतले वैतडीमा मंगलबार भएको घटनाको निन्दा गरेका छन् । नेपाली कांग्रेसका केन्द्रीय नेताहरुको उपस्थितिमा भइरहेको सभामा नेकपाको ओली समूहका कार्यकर्ताले ढुंगा प्रहार गर्दा झडप भएको थियो ।

झडपमा पनि केही नेता तथा कार्यकर्ताहरु घाइते भएको प्रति तरुणदलका अध्यक्ष बस्नेतले विज्ञप्ति जारी गर्दै सत्ता र शक्तिको दूरुपयोग गरि नेकपाले घटना घटाएको दावी गरेका छन् ।

वैतडीको जस्तै घटना कहिँ कतै दोहोरिए तरुणदल चुप लागेर नबस्ने पनि विज्ञप्ति मार्फत अध्यक्ष बस्नेतले चेतावनी दिएका छन् ।
उनले घटनामा संलग्न सम्पुर्ण दोषीलाई चाडो भन्दा चाडो पक्राउ गरि कारबाहीको माग पनि गरेका छन् ।